دن ڈھلے تک اپنی کھڑکی میں کھڑی رہتی ہے وہ – نجیب احمد کی غزل

غزل

دن ڈھلے تک اپنی کھڑکی میں کھڑی رہتی ہے وہ

کھیلتے بچے گلی میں دیکھتی رہتی ہے وہ

 

میں معلق ہوں خلا میں جلتے سورج کی طرح

وہ زمیں ہے گرد میرے گھومتی رہتی ہے وہ

 

اُس کی بوجھل آنکھ سے چھُو کر گزر جاتی ہے نیند

رات سو جاتی ہے لیکن جاگتی رہتی ہے وہ

 

رکھ کے میرے خط کسی کُنج تغافل میں کہیں

پاگلوں کی طرح گھر میں ڈھونڈتی رہتی ہے وہ

 

پالتو بلی کو لے کر اپنی بانہوں میں نجیب

انگلیاں اس کے بدن پر پھیرتی رہتی ہے وہ

یہ بھی دیکھیں

شک محبت کا پہلا دشمن ہے – لبنیٰ صفدر کی غزل

غزل

بے کراں شب میں کہیں ایک ستارا ہی سہی – امجد اسلام امجد کی غزل / Urdu Poetry By Amjad Islam Amjad

غزل   بے کراں شب میں کہیں ایک ستارا ہی سہی ڈوبنے والے کو تنکے …

دیپک راگ ہے چاہت اپنی کا ہے سنائیں تمہیں – ظہورنظر کی غزل / Urdu Ghazal By Zahoor Nazar

غزل   دیپک راگ ہے چاہت اپنی کا ہے سنائیں تمہیں ہم تو سلگتے ہی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

برائے مہربانی شئیر کا آپشن استعمال کیجیے