شک محبت کا پہلا دشمن ہے – لبنیٰ صفدر کی غزل

ویسے تو بندہ بندہ دشمن ہے
شک محبت کا پہلا دشمن ہے
اس لیے پاؤں الٹے پڑتے ہیں
میری منزل کا رستہ دشمن ہے
گھر سے باہر قدم ہے پہلا مرا
دھوپ دشمن ہے سایہ دشمن ہے
آئینے کی طرح ہوں میں شفاف
میرا انداز میرا دشمن ہے
جھونکے کا ہے دیے سے کیا رشتہ
آدھا ہے دوست آدھا دشمن ہے
پیسہ ہی دوست ہے غریبی میں
اور امیری میں پیسہ دشمن ہے
لبنیٰ کیسی معافی اس کے لیے
جو بھی دشمن ہے پورا دشمن ہے